АЙЫЛДЫН ТАЗА СУУ / СУГАТ СУУ СИСТЕМАСЫН ЖАКШЫРТУУГА МАТЕРИАЛДЫК КОЛДОО КӨРСӨТҮҮ

Fair and Sustainable Development Solutions (FSDS)

FSDS Коомдук фонду – Кыргызстанда 2014-жылы негизделип, калктын жашоосун адилет экономикалык өнүктүрүү аркылуу жакшыртууга өз салымын кошуп келет. FSDS Коомдук фонду айылдардын таза-суу /сугат суу системасын куруу же оңдоо иштерине материалдык колдоо көрсөтүү максатында, кызыкдар болгон жергиликтүү бийлик органдарын “Таза-суу” /сугат суу долбооруна катышууга чакырат.

Долбоорго катышуунун талаптары:

1. Кыскача негиздеме; (Тиркеме 1)
2. Айылдын таза суу / сугат суу системасы мамлекеттин же башка донорлордун таза-суу / сугат суу боюнча каржылоосунда толугу менен каралбаган болуш керек;
3. Толук техникалык документациялардын бар болушу;

• Айылдын жалпы абалынын планы (рельеф планы). (Тиркеме 2)
• Реабилитация жүрүүчү жайдын координаттары (Тиркеме 3)
• Иш алып баруу долбоору
• Мүлктүн реестри (жер участогуна менчик укугун ырастоочу документ)
• Архитектуралык-пландоо шарттары жана инженердик-техникалык шарттар документтери (АПУ жана ИТУ)
• Долбоордун жалпы чыгымы – деталдуу сметасы
• Суу системысынын жана реабилитация жүргүзүлүүчү объектинин сурөттөрү

4. Санитардык шайкештик;
5. Таза-суу /сугат суу системасынын туруктуулугун камсыз кылуунун далили;
6. Өздүк салым.

Көрсөтүлгөн талаптар боюнча толук маалымат тиркемелерде берилген.

FSDS Коомдук уюму төмөнкү учурларда колдоо көрсөтө албайт:

• Жогоруда көрсөтүлгөн талаптар аткарылбаса;
• Талап кылынган документтер толук болбосо;
• Акчалай жардам сурап кайрылган учурларда;
• Техникалык документацияны даярдоого;
• Уруксат берүүчү документтерди же макулдашууларды алууга;

Талап кылынган документтериди толтуруп, каттын темасын «Таза-Суу / Сугат Суу» деп белгилеп, 31.01.2024 саат 17:00 чейин office@fsds.kg дарегине электрондук вариантын, ал эми документтердин копияларын Бишкек ш., Бөкөнбаев көч., 204, 3 кабатта жайгашкан FSDS Коомдук фондунун офисине жиберүү зарыл. Суроо–жооптор үчүн дүйшөнбү-жума күндөр аралыгында саат 09:00дан 17:00 чейин 0550 780 837 номери менен байланыша аласыз.

Эскертүү: Каттардын көп болгондугуна байланыштуу документтер почтага келип түшкөндүгү тууралуу тастыктоо берилбейт. Тандалып алынган гана долбоорлор менен байланышуу мүмкүн болот.